有時睇住其他人嘅社交平台，見到一堆堆朋友約食飯影相打卡，不禁會問：其實係咪得我一個係咁摺？
雖然有時會咁樣懷疑自己，但發覺原來身邊好多摺友，只係大家摺嘅原因唔同。來來去去都係工作太累、社交疲勞、需要一啲私人時間、搵唔到同樣興趣嘅伴、太熱唔想出街、想做自己想做嘅野多啲、唔想就人、冇咩地方好去、條街太多人... 久而久之，星期六日寧願留喺屋企，都未必會出街。只不過呢啲野，大家唔會特登打卡放上社交平台，大家都明白喺社交平台嘅世界有咩嘢係多人鍾意睇。
身為一名專業嘅摺友，我看透咗一啲道理。能夠選擇用咩方式生活係一種慶幸，去邊、做咩唔洗同人交代，其實好爽。仲有，有啲野選擇自己一個人去做反而更自在。人生咁攰，摺吓幾好呀，唔係咩？🤪
#摺都係一種生活態度
Search